Dara Khmer Lbey Lbey

Saturday, May 21, 2016

ខេម ចេញបទស្រែកខ្លាំងលើកដំបូងក្រោយប្រឡូកសិល្បៈបាន ៧ ឆ្នាំ

ខេម បានចេញបទចម្រៀងស្រែកខ្លាំងលើកដំបូង មិនធ្លាប់មានក្នុងផលិតកម្ម Town ក្រោយប្រឡូកសិល្បៈជិត ៧ឆ្នាំមក។

ចម្រៀងលោកប្រើសំឡេងខ្លាំងលើកដំបូងមានចំណងជើងថា”គេជាតារាល្បី” ត្រៀមនឹងចេញលក់លើទីផ្សារក្នុងពេលឆាប់ៗ។

តារាចម្រៀងសំឡេងស្អកកំពុងឈានមុខក្នុងផលិតកម្ម Town លោក ខេម និយាយថា៖ “ខ្ញុំមិនធ្លាប់មានចម្រៀងស្រែកដល់ថ្នាក់ហ្នឹងទេតាំងពីចូលសិល្បៈមក។ ជាធម្មតា ចម្រៀងមួយបទខ្ញុំប្រើពេលថតសំឡេង តែ ១៥នាទីប៉ុណ្ណោះ តែនេះជាងមួយម៉ោងហើយនៅតែមិនទាន់រួច”។

ខេម បន្តថា បទចម្រៀងមួយបទខាងលើគឺពិបាកច្រៀង និងធ្វើសំឡេងបំផុត។ លោកមិនបានដឹងពីមូលហេតុនាំឱ្យអ្នកនិពន្ធជ្រើសរើសខ្លួនឱ្យបកស្រាយបទ “គេជាតារាល្បី” នេះឡើយ។

ទោះជាបែបនេះ តារាចម្រៀងមានប្រភពមកពីខេត្តកំពង់ឆ្នាំងខាងអះអាងថា អាចអ្នកនិពន្ធចង់ដឹងពីសំឡេង ក៏ដូចជាសមត្ថភាពរបស់ខ្លួនមានកម្រិតណា។

តារាចម្រៀងប្រចាំផលិតកម្ម Town ខេម បានរំពឹងខ្ពស់ថា បទចម្រៀងដែលលោកប្រើសំឡេងខ្លាំងលើកដំបូងក្នុងអាជីពជាអ្នកសិល្បៈនឹងអាចទាក់ទាញការចាប់អារម្មណ៍ពីទស្សនិកជនបានច្រើនពេលចេញលក់លើទីផ្សារ។

ប្រភព៖ sabay

ប្រវត្តិរបស់ ខេម ជីវិតពីអ្នករត់ម៉ូតូឌុបមកជាអ្នកចម្រៀង

រាជធានីភ្នំពេញ ៖ តារាចម្រៀងប៉ុន សុណារិន ហៅខេម អតីតជាអ្នករត់ម៉ូតូឌុប និងរស់យ៉ាងលំបាកក្នុងជីវភាពគ្រួសារក្រីក្រ និងធ្លាប់ទទួលការមាក់ងាយយ៉ាងច្រើនពីមិត្តភក្តិ ។ ប៉ុន្តែក្រោយឆ្លងកាត់ការតស៊ូក្នុងជីវិតដោយការឧស្សាហ៍ព្យាយាម និងអំណត់បំផុតមក ខេម បានលាងសម្អាតជាបណ្តើរៗ នូវស្រមោលអតីតកាល ហើយពេលនេះគេបានក្លាយជាតារាចម្រៀងដ៏មានប្រជាប្រិយភាពម្នាក់ ប្រចាំផលិតកម្មថោន ។

ខេម និយាយថា «ថោនគឺជាទ្រនំដ៏សែនសុខរបស់ខ្ញុំ និងធ្វើឱ្យខ្ញុំប្រែមុខមាត់ រួមទាំងជីវភាពរស់នៅចៀសផុតនូវពាក្យសម្តីមាក់ងាយទាំងឡាយ ដែលតែងតែគ្របដណ្តប់លើអារម្មណ៍ខ្ញុំ»។ តារាចម្រៀងរូបនេះ បានបង្ហាញទឹកចិត្តដ៏ល្អថា លោកមិនខឹងនឹងការមាក់ងាយនោះទេ តែអរគុណអ្នកទាំងនោះទៅវិញ ព្រោះគេបង្កើតនូវការឈឺចាប់ ហើយជំរុញទឹកចិត្តលោក ឱ្យមានការខ្មាសអៀន និងខិតខំតស៊ូក្នុងជីវិត រហូតមានពន្លឺដូចសព្វថ្ងៃ។

ខេម បាននិយាយថា តាំងពីចូលមកច្រៀងនៅផលិតកម្មថោន រូបលោកហាក់ដូចបានរំលេចខ្លួនយ៉ាងត្រចះត្រចង់ក្នុងវិស័យសិល្បៈ ។ ថោន បានផ្តល់ឱកាសឱ្យលោកច្រៀងជាច្រើនបទ និងច្រៀងរួមគ្នាជាមួយតារាចម្រៀងល្បីៗទៀតផង ដូចជា កញ្ញាមាស សុខសោភា កញ្ញាលី អុីវ៉ាធីណា និងកញ្ញាសាសា ជាដើម ។ តាមដឹងបទចម្រៀងដែលលោកបានច្រៀងក្នុងវ៉ុលបុណ្យចូលឆ្នាំប្រពៃណីខ្មែរចំនួន៦បទ របស់ផលិតកម្មថោននោះគឺទទួលបានការគាំទ្រយ៉ាងច្រើនពីស្រទាប់យុវវ័យ។ តាមរយៈនោះលោកសង្ឃឹមថា បទចម្រៀងក្នុងវ៉ុលថ្មីៗទៀត នឹងបន្តទទួលបានការគាំទ្រដូចគ្នាផងដែរ ។

លោកខេម បញ្ជាក់ថា តាំងពីពេលដែលលោកចូលរួមរស់នៅជាមួយផលិតកម្មថោន គឺម្ចាស់ផលិតកម្មយកចិត្តទុកដាក់ផ្តល់ឱកាសឱ្យលោកបានច្រៀងច្រើនបទក្នុងវ៉ុលនីមួយៗ ហើយសុទ្ធសឹងជាបទល្បីៗថែមទៀត។ ដូច្នេះហើយវាបានជំរុញឱ្យរបស់លោកមានឈ្មោះល្បីក្នុងពិភពសិល្បៈក្នុងរយៈពេលខ្លីបំផុត ។
ខេម សន្យាថា នឹងខិតខំបង្កើនសមត្ថភាពរបស់ខ្លួន ដើម្បីជួយខ្លួនឯង និងជួយដល់ផលិតកម្មឱ្យកាន់តែមានឈ្មោះបោះសម្លេង និងប្រឡងប្រជែងជាមួយផលិតកម្មល្បីឯទៀតក្នុងព្រះរាជាណាចក្រកម្ពុជា។ ទន្ទឹមនឹងនេះ លោកអំពាវនាវដល់ទស្សនិកជន អតិថិជន សំខាន់អ្នកនិយមបទចម្រៀងសម័យទំនើប ឱ្យគាំទ្រ និងជួយកែលំអរាល់ចំណុចខ្វះខាតនៃបទចម្រៀងរបស់លោកផង ព្រោះអ្នកសិល្បៈដែលល្បីគឺទាល់តែទទួលបានការគាំទ្រ ។
លោកខេម មានស្រុកកំណើតនៅខេត្តកំពង់ឆ្នាំង មានឈ្មោះដើមប៉ុន សុណារិន ។ លោកបញ្ចប់ការសិក្សាត្រឹមថ្នាក់ទី១០ ហើយបានចូលប្រឡូកក្នុងវិស័យសិល្បៈនៅឆ្នាំ២០០៧ ដោយចាប់យកអាជីពជាអ្នកចម្រៀងតែម្តង និងធ្លាប់ប្រឡងជាប់ចំណាត់ថ្នាក់ក្នុងកម្មវិធី Boy Band របស់ស្ថានីយទូរទស្សន៍ CTN ៕

ប្រភព៖ kohsantepheapdaily.com.kh

Friday, May 20, 2016

លោក រិទ្ធី និយាយពី ខេម គ្រោះថ្នាក់ចរាចរណ៌

Tuesday, May 17, 2016

ដេនី ក្វាន់ ចេញវីដេអូសុំទោសតារាចំរៀងជើងចាស់ អ្នកស្រី ម៉េង កែវពេជ្ជតា

នាពេលកន្លងមក តារាសម្តែងស្រី ស៊ិចស៊ី ដេនី ក្វាន់ បានសម្រេចចិត្ត បញ្ចេញវីដេអូមួយទៀត ដោយចេញមុខសុំទោស ដល់អ្នកនាង ម៉េង កែវពេជ្ជតា និងសិល្បៈករផ្សេងៗទៀត។
ដូចជាប្រិយមិត្តបានជ្រាបស្រាប់ទៅហើយ ពីរឿងរ៉ាវជេរតិះដៀលទៅវិញទៅមក រវាង កញ្ញា ដេនី ក្វាន់ និងអ្នកនាង ម៉េង កែវពេជ្ជតា ដែលបានផ្លែផ្កាដាក់គ្នា អស់មួយរយៈកន្លងមកនេះ។
ចំពោះសារជាច្រើន របស់អ្នកទាំងពីរ បានធ្វើឲ្យអ្នកគាំទ្រ មិនសប្បាយចិត្តនោះទេ ពេលឃើញតារាខ្មែរទាំងពីរនាក់ កំពុងតែហែកហួរគ្នាជាសារធាណៈ ដោយគ្មានភាគីណាម្នាក់ ហ៊ានចេញមុខចុះចាញ់សោះ មានតែខ្លាំងរៀងៗខ្លួន។ ហើយមិនតែប៉ុណ្ណោះ កញ្ញា ដេនី ក្វាន់ មិនត្រឹមតែមានបញ្ហាជាមួយនឹង អ្នកនាង ម៉េងកែវពេជ្ជតាតែម្នាក់នោះទេ សូម្បីតែសិល្បៈរៀមច្បងមួយចំនួនទៀត ក៏នាងបានប្រើពាក្យសម្តីមិនសមរម្យដាក់ពួកគេផងដែរ។
ដោយសារតែមានមហាជន និងតារាផ្សេងទៀត ហាក់ដូចជាប្រតិកម្មលើរូបកញ្ញា ដេនី ក្វាន់ខ្លាំងពេក ទីបំផុតនាងសុខចិត្តបន្ទន់ឥរិយាបថ និងព្រមសុំទោសនូវរឿងគ្រប់យ៉ាងដែលនាងបានធ្វើកន្លងមក។
កាលពីយប់មិញនេះ កញ្ញា ដេនីក្វាន់ ហ៊ានទទួលស្គាល់ និងសុំទោសទៅកាន់តារាជើងចាស់មួយចំនួន និងមហាជនផងដែរ ដែលកន្លងមក នាងបានបញ្ចេញរឹកពារមិនគប្បីទៅកាន់អ្នកគ្រប់គ្នា។ ហើយរូបនាងនឹងមិនអន់ចិត្តអ្វីទាំងអស់ ប្រសិនបើក្រសួងមិនអនុញ្ញាត ឲ្យនាងបន្តអាជីពសិល្បៈបន្តទៅទៀត៕

ដេននី ក្វាន់ ចូលទទួលដំបូន្មាន និង ការអប់រំ ពីក្រសួងវប្បធម៌ ក្រោយស្លៀកសិចស៊ី ដូចអាក្រាតកាយ

(ភ្នំពេញ)៖ តបតាមការកោះហៅរបស់ក្រសួងវប្បធម៌ និង វិចិត្រសិល្បៈ កំពូលតារាសិចស៊ី ដេននី ក្វាន់ នៅវេលាម៉ោង ៩ព្រឹកថ្ងៃទី១៧ ខែឧសភា ឆ្នាំ២០១៦ បានចូលទៅទទួលដំបូន្មាន និងការអប់រំ ពីថ្នាក់ដឹកនាំក្រសួងវប្បធម៌ និងវិចិត្រសិល្បៈបន្ទាប់ពីកញ្ញាចូលចិត្តស្លៀកពាក់សិចស៊ី ដូច អាក្រាតកាយធ្វើឲ្យប៉ះពាល់ និងអាប់ឱនខ្លាំងដល់តម្លៃវប្បធម៌ និងស្រ្តីខ្មែរ។
សូមបញ្ជាក់ថា កោះកៅហៅ កំពូលតារាសិចស៊ី ដេននី ក្វាន់ ចូលទៅដុសអប់រំនេះ បន្ទាប់ពីតារា ដែលទើបទទួលបានកេរ្តិ៍ឈ្មោះតាមរយៈភាពសិចស៊ីរូបនេះ បានព្យាយាមបង្ហោះរូបសិចស៊ី ដូចអាក្រាតកាយជាបន្តបន្ទាប់តាមបណ្តាញផ្សព្វផ្សាយ និងបណ្តាញសង្គម នាំឲ្យផ្ទុះប្រតិកម្មខ្លាំងទាំងក្នុងមជ្ឈដ្ឋានអ្នកសិល្បៈ និងមហាជនខ្មែរ។ កាយវិការ និងសកម្មភាពរបស់តារារូបនេះ ត្រូវបានគេវាយតម្លៃថា ធ្វើឲ្យ ប៉ះពាល់ដល់វប្បធម៌ទំនៀបទម្លាប់ ប្រពៃណីដ៏ផូរផង់របស់ជាតិ និង ចរិយាធម៌-សីលធម៌សង្គម។
ដេននី ក្វាន់ មិនត្រឹមតែមិនទទួលនូវការទូន្មានពីអ្នកសិល្បៈរៀបច្បង និងសាធារណជននោះឡើយ ចំពោះភាពសិចស៊ីនេះ ហើយថែមទាំងជេរដៀលត្មះតបទៅលើអ្នកអប់រំរូបនាងថែមទៀត។ ព្រោះតែការអប់រំលើតារាសិចស៊ីនេះ នាំឲ្យមានការផ្ទុះពាក្យសម្តីខ្លាំងរវាង ដេននី ក្វាន់ និង អ្នកសិល្បៈជាច្រើនផ្សេងទៀត៕

សូមបញ្ជាក់ថា កោះកៅហៅ កំពូលតារាសិចស៊ី ដេននី ក្វាន់ ចូលទៅដុសអប់រំនេះ បន្ទាប់ពីតារា ដែលទើបទទួលបានកេរ្តិ៍ឈ្មោះតាមរយៈភាពសិចស៊ីរូបនេះ បានព្យាយាមបង្ហោះរូបសិចស៊ី ដូចអាក្រាតកាយជាបន្តបន្ទាប់តាមបណ្តាញផ្សព្វផ្សាយ និងបណ្តាញសង្គម នាំឲ្យផ្ទុះប្រតិកម្មខ្លាំងទាំងក្នុងមជ្ឈដ្ឋានអ្នកសិល្បៈ និងមហាជនខ្មែរ។ កាយវិការ និងសកម្មភាពរបស់តារារូបនេះ ត្រូវបានគេវាយតម្លៃថា ធ្វើឲ្យ ប៉ះពាល់ដល់វប្បធម៌ទំនៀបទម្លាប់ ប្រពៃណីដ៏ផូរផង់របស់ជាតិ និង ចរិយាធម៌-សីលធម៌សង្គម។
ដេននី ក្វាន់ មិនត្រឹមតែមិនទទួលនូវការទូន្មានពីអ្នកសិល្បៈរៀបច្បង និងសាធារណជននោះឡើយ ចំពោះភាពសិចស៊ីនេះ ហើយថែមទាំងជេរដៀលត្មះតបទៅលើអ្នកអប់រំរូបនាងថែមទៀត។ ព្រោះតែការអប់រំលើតារាសិចស៊ីនេះ នាំឲ្យមានការផ្ទុះពាក្យសម្តីខ្លាំងរវាង ដេននី ក្វាន់ និង អ្នកសិល្បៈជាច្រើនផ្សេងទៀត៕

Monday, May 16, 2016

នីកូ ធ្វើឲ្យអ្នកគាំទ្រភ្ញាក់ផ្អើល ពេលចេញបទចម្រៀង ក្នុងផលិតកម្ម

តារាចម្រៀង ឆន សុវណ្ណារាជ រំភើបចិត្តខ្លាំង ក្រោយទទួលបានកាដូ ពីអ្នកម្តាយ មុនថ្ងៃខួបកំណើត

ភ្នំពេញ៖ កាលពីពេលថ្មីៗនេះ តារាចម្រៀងប្រចាំផលិតកម្ម រស្មីហង្សមាស គឺលោក ឆន សុវណ្ណារាជ បានទទួលកាដូ ពីអ្នកម្តាយជាទីស្រលាញ់ របស់លោក មុនថ្ងៃខួបកំណើត មកដល់។
នៅព្រឹក ថ្ងៃអង្គារ៍ ទី០៦ ខែតុលា ឆ្នាំ២០១៥ នេះ នៅលើទំព័រហ្វេសប៊ុក របស់តារាចម្រៀង ប្រចាំផលិតកម្ម រស្មីហង្សមាស លោក ឆន សុវណ្ណារាជ បានបង្ហោះរូបថតមួយសន្លឹក ដែលធ្វើឲ្យ អ្នកនិយមប្រើប្រាស់ បណ្តាញសង្គម ហ្វេសប៊ុក ក៏ដូចជាអ្នកគាំទ្រូ របស់លោក មានការភ្ញាក់ផ្អើល និងរំភើបចិត្ត ជំនួសលោកផងដែរ។
រូបថតមួយសន្លឹកនោះ គឺបង្ហាញឲ្យឃើញពី អ្នកម្តាយរបស់លោក ឆន សុវណ្ណារាជ កំពុងតែជូន ខ្សែ.កមួយខ្សែ ទុកជាកាដូ ក្នុងថ្ងៃខួបកំណើត របស់លោក ខណៈលោក ឆន សុវណ្ណារាជ បានលើកដៃសំពះអរគុណ និងញញឹម បិទមាត់មិនជិតឡើយ ពេលទទួលបានខ្សែ.ក មួយខ្សែពីអ្នកម្តាយ ជាទីស្រលាញ់បែបនេះ។

លោក ឆន សុវណ្ណារាជ ផ្ទាល់ ក៏បានសរសេរសារអរគុណ ភ្ជាប់ជាមួយនឹង រូបថតនោះ នៅលើបណ្តាញសង្គម ហ្វេសប៊ុក ដែលមានអត្ថន័យ ជាភាសាខ្មែរថា «កូនពិតជាអរគុណ អ្នកម្តាយខ្លាំងណាស់ ចំពោះកាដូ មុនថ្ងៃខួបកំណើតនេះ វាពិតជាមានន័យណាស់សម្រាប់កូន ហើយកូនស្រលាញ់វាខ្លាំងណាស់ កូនស្រលាញ់អ្នកម្តាយ»។
យ៉ាងណាមិញ ថ្ងៃខួបកំណើតពិតប្រាកដ របស់តារាចម្រៀង ប្រចាំផលិតកម្ម រស្មីហង្សមាស រូបនេះ គឺនៅថ្ងៃទី១០ ខែតុលា ឆ្នាំ២០១៥ ខាងមុខនេះឯង៕
ប្រភព ៖ ហ្វេសប៊ុក